Hukumar yaki da cuta mai karya garkuwar jiki ta kasa NACA tace mutane 6 daga cikin mutum 10 da suke dauke da cutar mata ne.
Hukumar ta bayyana hakan ne a bikin ranar mata ta duniya,inda ta yi bayanin cewa rayuwar mata tafi fuskantar barazanar kiwon lafiya har sau uku idan aka kwatanta da takwarorin su maza a shekaru.
Babban daraktan hukumar Gambo Aliyu, yace hukumar na kokari wajen tabbatar da samar da dai-daito a tsakanin mata da maza tare da magance kalubalan da suke fuskanta musamman mata masu dauke da cuta mai karya garkuwar jiki.
