An bayyana cewa kimanin mutane 7 ne ciki harda wani dan shekara 70 da wata Yarinya yar shekara 6 yan bindiga suka kashe a kyauyen Gora Gan dake Karamar hukumar Zangon Kataf ta Jihar Kaduna.
An gano cewa mutane 4 daga cikin wadanda aka kashe a lokacin da lamarin ya faru yan gida daya ne.
Haka kuma akalla gidaje da Shaguna 13 ne yan bindigar suka kone, bayan da suka kewaye garin da Misalin karfe 8 na Dare.
An kuma samu rahoton mutanen da suka samu raunika a lokacin harin, a cewar sanarwar da gwamnatin Jihar Kaduna ta fitar.
Kazalika, gwamnatin jihar ta tabbatar da harbe-harben da akayi a kan hanyar Fadan Kagoma zuwa Kwoi ta karamar hukumar Jema’a.
Yan bindigar sun harbi direban wata mota, sai dai gwamnan jihar Kaduna Nasir Ahmed El-rufa’I ya umarci a gudanar da bincike.
