Hukumar kula da yan civil defence da ma’aikatan gidajen gyaran da’a da ‘yan kwana-kwana da ma’aikatan hukumar kula da shige da fice immigration, ta sanar da cewa an saki sunayen mutane 6,105 wadanda za a tantance domin yiwuwar daukarsu aiki a hukumar kula da shige da fice immigration.
Kakakin hukumar ta immigration, Sunday James, ya sanar da haka cikin wata sanarwa a yau.
Sunday James ya shawarci wadanda za a tuntuba ta email ko waya da su duba shafin internet na hukumar; https://immigrationrecruitment.org.ng domin karin bayani.
Sanarwar tace za a gudanar da tantancewar a kyauta kuma ana sa ran farawa a ranar 24 ga watan Mayu.
