Rundunar ‘yan sandar jihar Katsina ta bayyana kubutar da wasu mutane daga makarantar gyara halinka a garin Daura na jihar Katsina.
A yayin da ‘yan sanda suka kai mamaye a makarantar mallakin malam Bello mai almajirai, sunyi nasarar kubutar da mutane a kalla 70 wadanda suka hada da yara da matasa, da kuma wasu da shekarun su ya kai 40.
Bayanai sun tabbatar da cewa akwai yara sama da 300 a gidan marin na malam Bello mai almajirai, amma saidai mafi yawancinsu sun tsere yayin da ‘yan sanda suka kai mamaye a gidan, abinda yasa ba’a iya kubutar dasu baki daya ba.
Ko a kwanakin baya ‘yan sanda a Kaduna sunkai mamaye a irin wannan gida da ake kira na gyara halinka, amma kuma ake azabtar da yara inda sukayi na sarar kubutar da mutane masu dimbin yawa.
