Hukumar dakile bazuwar cututtuka ta kasa NCDC ta sanar da sabbin mutane 587 da suka kamu da cutar corona jiya Laraba, wanda ya kawo adadin wadanda cutar ta kama a kasarnan zuwa dubu 17 da 735.
An samu mutuwar mutane 14 sanadiyyar cutar jiya Laraba, wanda ya kawo yawan wadanda cutar ta kashe a kasarnan zuwa 469.
Sai dai an samu raguwar wadanda suka mutu sanadiyyar cutar jiya Laraba, idan aka kwatanta da mutane 31 da aka sanar da mutuwarsu shekaranjiya Talata.
Hukumar a shafinta na Twitter jiya da dare tace an samu sabbin wadanda suka kamun a jihoshi 18.
Jihoshin sune Lagos, Babban Birnin Tarayya, Rivers, Oyo, Delta, Bayelsa, Plateau, Kaduna, Enugu, Borno, Ogun, Ondo, Kwara, Kano, Gombe, Sokoto da Kebbi.
