Kasa da watanni biyu bayan da ta hau kujerar firaministar Burtaniya, Liz Truss ta yi murabus daga mukaminta.
Liz Truss ta sanar da murabus din nata ne a yau yayin wata ganawa da manema labarai a wajen titin Downing da ke birnin Landan.
‘Yan majalisar wakilai fiye da goma daga jam’iyyarta ta Conservative sun yi kira da ta yi murabus bisa kalubalen tattalin arzikin da kasar ke fuskanta.
Akalla mambobi biyu na majalisar ministocinta ma sun yi murabus daga mukaminsu.
Liz Truss ta ce ta yi murabus ne saboda ba za ta iya gudanar da aikin da aka zabe ta ba.
Ta ce ta sanar da sarkin Birtaniya, wanda shi ne shugaban kasa, game da murabus din ta a shugabancin jam’iyyar.
Za a gudanar da zaben sabon firaminista a mako mai zuwa kuma za ta ci gaba da kasancewa a kan mukamin har zuwa lokacin.
