Karamin ministan ilimi, Emeka Nwajuiba, ya yi tsokacin cewa za a iya sake bude makarantu a kasarnan bayan an dage dokar hana tafiye-tafiya tsakanin jihoshi.
Ministan ya bayyana haka lokacin taron manema labarai na kwamitin karta kwana na shugaban kasa kan cutar corona wanda aka gudanar jiya Litinin a Abuja.
Da yake tabbatar a cewa gwamnati bata sanar da ranar sake bude makarantu ba, yace ma’aikatar baza ta jagoranci ‘yan Najeriya zuwa fadawa hadari ba.
A watan Maris gwamnatin tarayya ta rufe dukkan makarantu a kasarnan, a wani bangare na matakan dakile bazuwar annobar corona.
