Gwamnan jihar Kaduna Malam Nasir El-Rufai ya sanya yaronsa a makaranta gwamnati inda zai yi karatun primary.
Gwamnan wanda ya samu rakiyar mai dakinsa hajiya Ummi sun kai dansu mai suna Abubakar Al-Siddique zuwa makarantar Kaduna Capital dake Malali cikin garin Kaduna.
A baya dai gwamnan yayi alkawarin cewa indai yaronsa yakai shekara 6 zai sanya sa a makarantar gwamnati domin yayi karatu da sauran yara, kuma a yau Litini gwamna El-rufai ya cika alkawarin da ya dauka shekarun baya.
Gwamanan ya bayyana jin dadinsa saboda cika alkawarin da yayi, inda yace shima a baya makantar gwamnati yayi, duk kuwa da cewa bata kai nagartan wanda yaronsa ya shiga yanzu ba, amma dai yana alfahari da hakan.
